September 27, 2021

थपिए १६६ जना : कोरोना संक्रमितसँगै आएका पोखराका २ जना सम्पर्कविहीन

जेष्ठ १८ पोखरा: पछिल्लो २४ घण्टामा आइतबार थप एक सय ६६ जनामा कोरोना संक्रमणको पुष्टि भएको छ।
स्वास्थ्य तथा जनसंख्या मन्त्रालयले आइतबार आयोजना गरेको नियमित मिडिया ब्रिफिङमा मन्त्रालयका प्रवक्ता डा। विकास देवकोटाले थप एक सय ६६ जनामा संक्रमण पुष्टि भएको जानकारी दिए । जसमध्ये १६२ जना पुरुष छन् भने ४ महिला छन् ।

यससँगै कुल संक्रमितको संख्या एक हजार पाँच सय ६७ पुगेको उनले बताए । जसमध्ये १४५० जना पुरुष र ११७ जना महिला छन् ।

पोखरा प्रयोगशालामा गरिएको परीक्षणमा तनहुँ रिसिङका २१, स्याङ्जा गल्याङका २७ र ४० वर्षीय पुरुषमा संक्रमण पुष्टि भएको हो ।

नारायणी अस्पताल वीरगञ्जमा गरिएको परीक्षणमा पर्साको पटेर्वा सुगौली गाउँपालिकाका क्वारेन्टिनमा बसेका २२ देखि ३६ वर्षका ५ जना पुरुषमा संक्रमण पुष्टि भएको हो । कर्णाली स्वास्थ्य विज्ञान प्रतिष्ठान जुम्लामा गरिएको परीक्षणमा ३७ जनाको रिपोर्ट पोजेटिभ आएको छ । जसमध्ये कालीकोट शुभकालिकाका १९ वर्षदेखि ५२ वर्षका १३ जना र कालीकोटकै महावै गाउँपालिकाका २० देखि ४२ वर्षका ५ जना पुरुष संक्रमित छन् ।

यस्तै, दैलेख देवलकाँडाका १८ देखि २२ वर्षसम्मका ५ जना, नारायण नगरपालिकाका १६ देखि ४८ वर्षका ९ जना, दुल्लुका ३५ वर्षीय एक जना पुरुष, सिमडाका २६ वर्षीय एक जना पुरुष, रातापानीका ३८ वर्षीय पुरुष र साडुका २२ वर्षीय पुरुष छन् । कर्णाली स्वास्थ्य विज्ञान प्रतिष्ठानमै गरिएको परीक्षणमा बाजुरा जुजुनाथका ४० वर्षीय पुरुषको पनि रिपोर्ट पोजेटिभ आएको छ ।
\यस्तै, प्रदेश अस्पताल सुर्खेत र पशुपन्छी अन्वेषण प्रयोगशालामा गरिएको परीक्षणमा २६ जनाको रिपोर्ट पोजेटिभ आएको छ । जसमा सल्यान कुपिन्डेका ११ देखि ६० वर्षका २५ जना पुरुष छन् भने सुर्खेत बराहाताल–१ का ४ महिने शिशुको रिपोर्ट पोजेटिभ आएको हो ।

धुलिखेल अस्पतालमा गरिएको परीक्षणमा कपिलवस्तु शिवराजका ३२ वर्षीय पुरुषको रिपोर्ट पनि पोजेटिभ आएको हो । यस्तै, भेरी अस्पतालको प्रयोगशालामा गरिएको परीक्षणमा ८ जनाको पोजेटिभ आएको छ। उनीहरू सबै बाँकेका हुन्। जसमध्ये नेपालगञ्जका १६ देखि ४२ वर्षका चार जना पुरुष, नरैनापुरका २१ र २२ वर्षीय दुई पुरुष, वैजनाथका ३५ वर्षीय र खजुराका ३० वर्षीय पुरुष छन्।

यस्तै, धरान वीपी स्वास्थ्य प्रतिष्ठानमा गरिएको परीक्षणमा १२ जनाको पोजेटिभ आएको छ। उनीहरू सबै सप्तरीको राजगढका १७ देखि ४५ वर्षका पुरुष छन्।

यस्तै, सेती अस्पतालमा गरिएको परीक्षणमा ५ जनाको पोजेटिभ आएको छ। जसमध्ये कैलालीको भजनीका २३ वर्षीया, जानकी गाउँपालिकाका ३४ वर्षीया, त्रिनगर क्वारेन्टिनमा बसेका ४७ वर्षीय पुरुष रहेका छन्। कोशीमै गरिएको परीक्षणमा बाजुरा अस्पतालमा उपचाररत २ वर्षीया बालिका र २३ वर्षीया महिलामा पनि संक्रमण पुष्टि भएको छ ।

यस्तै, कोसी अस्पतालमा गरिएको परीक्षणमा पाँच जनामा संक्रमण पुष्टि भएको छ । जसमा झापा गौरीगञ्जका २३ देखि ३९ वर्षका चार जना पुरुष छन् भने मोरङ विराटनगरकी ४५ वर्षीया एक महिला छन्।

यसैगरी, राष्ट्रिय प्रयोगशालामा गरिएको परीक्षणमा ६४ जनामा संक्रमण पुष्टि भएको छ । जसमध्ये धनुषाका १९ देखि ४६ वर्षका २१ जना पुरुष, कपिलवस्तुका २५ देखि ४१ वर्षका चार जना पुरुष, रौतहटका ४, ९, १२ वर्षीय बालकदेखि लिएर ५२ वर्षका पुरुष सहित २९ जना र सर्लाहीका एक वर्षीय बालकदेखि ५० वर्षका पुरुष समेत गरी १० जना छन् ।

दुइ जना पोखरामा हराए ।

यता जेठ ९ गते भैरहवाबाट २३ जना यात्रु लिएर एउटा बस म्याग्दीका लागि गुड्यो । एउटै बसमा आएका २३ जनामध्ये हालसम्म १३ जनामात्रै सम्पर्कमा आए बाँकी यात्रु सम्पर्कमा नआएपछि गण्डकी स्वास्थ्य निर्देशनालयले प्रेस विज्ञप्ति नै जारी गरेर सम्पर्क आउनरल्याउन आग्रह गरेको छ ।
‘२३ जनामध्ये एक जना गोरखा जाने भनेर आँबुखैरेनीमा झरेका थिए । तीन जना लमजुङ जाने भनेर तनहुँ डुम्रेमा ओर्लिए, दुई जना भने पोखराको पुरानो बसपार्कमा ओर्लिएका थिए ।

गण्डकी प्रदेशका स्थानीय तहले भारतीय नाका तथा विभिन्न जिल्लामा अलपत्र रहेका आफ्ना नागरिकलाई उद्धार गर्न सुरु गरेका छन् । बसमा सँगै यात्रा गरेका एकजनामा कोरोना पोजेटिभ देखिएपछि अन्य यात्रुको कन्ट्याक ट्रेसिङ सुरु भएको छ ।

Be the first to comment

Leave a Reply

Your email address will not be published.


*