September 26, 2021

पर्यटनको विकासका लागी १ करोड २५ लाखको तालको जलकुम्भी फाल्ने मेसिन

पोखरा १७ माघ । पोखराको गहनाका रुपमा रहेको फेवाताललाई बर्षेनी कुरुप बनाउने जलकुम्भी झार अब भने सजिलै हटाउन सकिने भएको छ । बर्षेनी जलकुम्भीले ढाकेपछि डुंगा ब्यवसायी, स्थानीय पर्यटन ब्यवसायी, नागरिक समाज, सुरक्षाकर्मीले महिनौ लगाएर निकै कष्टका साथ जलकुम्भी हटाउदै आएका थिए । तर अब भने सहज रुपमा जलकुम्भी झार हटाउने मेसीन भित्र्याइएको छ ।

निर्वाचन क्षेत्र पूर्वाधार विकास कार्यक्रमको ५० लाख र पोखरा महानगरपालिकाको ७५ लाख रुपैयाँ गरी १ करोड २५ लाख रुपौयाँ लागतमा फेवातालको जलकुम्भी झार निकाल्ने मेसिन ल्याइएको हो । मेसिनको बुधबार बिहान सफल परीक्षण गरिएको छ । यो मेसिन क्यानडाबाट ल्याइएको हो । बुधबार परीक्षण मात्र गरिएको र एक सातापछि बिशेष कार्यक्रमनै गरी औपचारिक सुरुआत गर्ने पोखरा लेखनाथ महानगरपालिकाका फेवाताल संरक्षण आयोजना प्रमुख इन्जिनियर महेन्द्रबहादुर गोदारले जानकारी दिए ।

सांसद रवीन्द्र अधिकारी र महानगरपालिकाको समन्वयमा जलकुम्भी झार निकाल्ने मसिन ल्याइएको उनले बताए । उनका अनुसार फेवातालबाट निकालिएको झार एक ठाउँमा जम्मा गरिने र यसबाट कम्पोस्ट मल बनाउने योजना महानगरपालिकाको छ ।

नगरपालिकाले गत २०७४ वैशाख १९ गते जलकुम्भी लगायत झार व्यवस्थापनका लागि मेसिन खरिद गर्ने निर्णय गरेको थियो । मेसीन ल्याएसँगै जलकुम्भी झारका नाममा बर्षेनी खर्च हुने लाखौ रुपैया जोगिने भएको छ ।

Be the first to comment

Leave a Reply

Your email address will not be published.


*