August 4, 2021

आज त्रिशूलीमा खसेको बसमा भेटिएका यी नाबालक को हुन ? कसैले चिन्नुहुन्छ त ?

यी घाइते नाबालक को हुन् ?

पृथ्वी राजमार्ग अन्तर्गत चितवनको चुम्लिङमा यात्रु बस र ट्रक ठोक्किदा भएको दुर्घटनामा सातजना यात्रुको ज्यान गएको छ ।

काठमाडौँबाट अर्घाखाँचीको लागि छुटेको लु२ख २९१ नम्बरको यात्रु बसलाई मुग्लिङबाट धादिङतर्फ जाँदै गरेको ना६ख ४९७२ नम्बरको ट्रकले ठक्कर दिँदा यात्रु बस सडकबाट एक सय मिटर तल त्रिशूली नदीमा खसेको प्रहरीले जनाएको छ ।

घाइते बालक को हुन् ? यही घटनामा परेका एक नाबालक पनि दुर्घटनास्थलमा भेटिएका छन् । घाइते अवस्थामा भेटिएका यी बालकका अभिभावकको अहिलेसम्म पहिचान हुन सकेको छैन ।सात जनाको ज्यान गएको र २५ जना घाइते भएको यो घटनामा परेका बालकको अहिले भरतपुरको सानो मेडिकल कलेजमा उपचार भइरहेको छ ।

गम्भीर अवस्थामा रहेका ती बालकको गम्भीर अवस्थामा उपचार भइरहेको छ । चिकित्सकहरुले सबै घाइतेहरुको उपचार जारी रहेकाले तत्काल केही पनि नबोल्ने बताएका छन् ।चितवन ल्याइएका घाइते र मृतकहरुमध्येबाट नाबालकका अभिभावकको पत्ता लागेको छैन । प्रहरीले नाबालकका अभिभावकलाई काठमाडौँ लगिएकोबारे पनि जानकारी लिइरहेको छ ।

यो घटना लगत्तै छ जनाको शव भेटिएको थियो । त्यसपछि कुरिनटारको गोताखोर प्रहरीले त्रिशूलीबाट एकजनाको शव निकालेको जिल्ला ट्राफिक प्रहरी कार्यालय चितवनले जनाएको छ ।

मृतकमध्ये देवदह नगरपालिका वडा नम्बर १० नवलपरासीका दिपक पाण्डेको मात्रै परिचय खुलेको छ । दुर्घटनामा मृत्यु भएका सबैको शव पोष्टमार्टमका लागि भरतपुर अस्पताल ल्याउने तयारी भएको जिल्ला ट्राफिक प्रहरी कार्यालय चितवनका प्रमुख सन्तोष पन्तले जानकारी दिए । बसका सहचालक सुनील क्षेत्रका अनुसार बसमा ३२ जना सवार थिए । २४ जना घाइतेमध्ये १५ जनाको चितवनको पुरानो मेडिकल कलेजमा उपचार भइरहेको छ ।

दुर्घटनामा गम्भीर घाइते भएका तीनजनालाई एम्बुलेन्स र दुईजनालाई हेलिकप्टरबाट काठमाडौँ लगिएको छ । चारजनाको स्थानीय मनकामना पोलिक्लिनिकमा उपचार भइरहेको पन्तले बताए ।

दुर्घटनामा एकजना यात्रु हराइरहेका छन् । नेपाल सरकार उर्जा आयोगका सचिव मधुसुधन अधिकारीका दाजु अर्घाखाँची घर भएका नुदराज अधिकारी हराइरहेको प्रहरीले जनाएको छ । उपचारका लागि भरतपुर ल्याइएकामध्ये नौ जनाको मात्रै परिचय खुलेको छ ।

 बस दुर्घटनाका घाइतेको नामावली । 
१) कमल बि. क . कपिलवस्तु इमिलिया
२) धुर्ब भट्टराई अर्घाखाँची
३) संदिप दमासे धारापानी कल्लेरी
४) उमादेबी पोखरेल 
५) तुलसा घर्तिमगर
६) यम बहादुर क्षेत्री
७) इन्दिरा दमासे धारापानी कल्लेरी
८) केशरमणी न्यौपाने अडगुरी अर्घाखाँची
९) पदम बहादुर रायमाझी
१०)मनिशा थापा सन्धिखर्क बसपार्क
११) सुशील क्षेत्री
१२) धुर्ब दमासे धारापानी कल्लेरी
१३ ) लक्ष्मी पौडेल किमडाँडा पकले
१४) दधिराम गैरे
१५) राम बहादुर बि. क. कपिलवस्तु इमिलिया ।
१६) शाबित्रा गौतम सन्धिखर्क कुर
१७) राजेन्द्र रायमाझी
१८) माधब खनाल खन मखात
१९) पवन महत बाँगी पलासपाटा
नावालक बच्चा १
 छन् । सबैको भरतपुरको पुरानो मेडिकल कलेजमा उपचार भइरहेको छ ।

Be the first to comment

Leave a Reply

Your email address will not be published.


*