September 26, 2021

नेपाल एसोसिएसन अफ टूर एण्ड ट्राभल एजेन्टस (नाट्टा) काे अध्यक्षमा सि एन पाण्डे

२९ पुस,  नेपाल एसोसिएसन अफ टूर एण्ड ट्राभल एजेन्टस (नाट्टा) काे अध्यक्षमा सिएन पाण्डे  विजयी भएका छन् । नाट्टाको ५१औँ साधारणसभापछि शुक्रबार राति भएको निर्वाचनमा पाण्डेले निकटतम प्रतिद्वन्द्वी दीपेन्द्रकुमार शर्मालाई छ मतले पराजित गरेका हुन् ।

 ४२० मत खसेकामा पाण्डेले २१२ र शर्माले २०६ मत प्राप्त गरे । चार सय ६७ मतदाता रहेको नाट्टामा ४२० मतदाताले आफ्नो मताधिकार प्रयोग गरेका थिए ।

यस्तै प्रथम उपाध्यक्षमा अच्युत शर्मा गुरागाईं, द्वितीय उपाध्यक्षमा संगीता जिरेल, महासचिवमा रमेश थापा, सचिवमा सविता भट्टराई, कोषाध्यक्ष रामप्रसाद श्रेष्ठ र सहकोषाध्यक्षमा सुरेन्द्र भट्टराई निर्वाचित भएका छन् । सदस्यमा सुदर्शन नेपाल, देवकी गुरुङ, फुरी ग्याल्जेङ शेर्पा, अमृतकुमार ढकाल, रमेश पौडेल, राजु ढकाल, इनु थापा र गीता ढकाल निर्वाचित भएको निर्वाचन समितिका सदस्य राजेन्द्रप्रसाद सापकोटाले जानकारी दिए ।

पचास वर्षअघि स्थापित ट्राभल तथा टुर व्यवसायीको छाता सङ्ंगठन नाट्टामा भद्रपुर, पोखरा र धनगढीमा क्षेत्रीय तथा पाल्पामा जिल्ला शाखा छन् ।

Be the first to comment

Leave a Reply

Your email address will not be published.


*